பிடிச்சிருக்கு

நெற்றி ஓரத்தில் வந்து விழும்
அந்த சில முடிக்கற்றை - பிடிச்சிருக்கு

கெட்ட வார்த்தை சொல்லிவிட்டாயோ?
நாக்கைக் கடித்துக் கொள்கிறாயே - பிடிச்சிருக்கு

கொட்டாவி விட்டபடி
வாயின் வாசலில் சொடுக்குகிறாயே - பிடிச்சிருக்கு

எதுவும் மறையவில்லையென்றாலும்
எல்லாப் பக்கமும் இழுத்துவிட்டுக் கொள்கிறாயே - பிடிச்சிருக்கு

மொத்தத்தில்
எல்லாமே பிடிச்சிருக்கு
நீ என் மனைவியாயில்லாததால்.