ஆமென்

காலை வேளையில்

கைகளை நன்றாய் வீசி

நடைப்பயிற்சி செய்வோரைப் பார்க்கும்போதெல்லாம்

*

ஒரு ஓரமாய் அமர்ந்து

தன் இஷ்டம்போல்

யோகாசனம் செய்து சுகிப்போரைப் பார்க்கும்போதெல்லாம்

*

மிதிவண்டியில் இங்குமங்கும்

மின்னல் போல் பயணித்து

மகிழ்வோரைப் பார்க்கும்போதெல்லாம்

*

நாலு ஐந்து மாடியாயினும்

சளைக்காமல் சரசரவென்று

ஏறி இறங்குவோரைப் பார்க்கும்போதெல்லாம்

கோபம் கோபமாய் வருகிறது.

*

பசித்தப்புலி இவர்களையும்

புசிக்கட்டும் என்று

சாபமிடத் தோன்றுகிறது.

*

வாழ்வை நீட்டிக்கவும்

வாழ்கையில் நலமாய் வாழவும்

இவர்கள் செய்யும் இச் சேட்டைகள்

விசித்திரமாய் இருக்கிறது.

*

அதேசமயம் 

என்னைச் சேர்ந்த

எவரும் இவ்வாறெல்லாம் செய்வதில்லை

என்பதை அறிந்து

மனம் அமைதிக்கொள்கிறது

*

ஆமென்.