வெயில் அடுத்து மழை

செருப்புக் கடையில் சிலர்

நெருப்பு பறக்கும் சாணைக் கடையில் சிலர்

பழக்கடையில் பேரம்பேசியப்படி சிலர்

முழம் பூ வாங்கிச் சூடியப்படி சிலர்

அடிவாங்கி அழுதப்படிச் செல்லும் சிலர்

நெடியுணர்ந்து வழி மாற்றிச் செல்லும் சிலர் 

இவையெல்லாம் பார்த்து ரசித்தபடி நான்

இப்பொழுதெல்லாம் இப்படித்தான்

சம்மந்தமே இல்லாது கவிதை வருகிறது,

கடும் வெயிலைத்தொடர்ந்து பெய்யும் இம்மழை போலே.