அவள்

பல சுவைகள் நிறைந்த

பருக முடியா பஞ்சாமிர்தம்;

வீட்டில் அமர்ந்திருக்கும்

வாய் திறந்து பேசும் விக்கிரகம்;

புவியில் மிதக்கும்

ஆனால் புக முடியா சொர்க்கம்;

அனுபவிக்க முடியாத சோபிதம்;

பறித்து முகர முடியாத கமலம்;

காண முடியா நர்த்தனம்;

கேட்க முடியா கீர்த்தனம்;

நாசி உணர முடியா சுகந்தம்;

எங்கோ மறைவில் இருக்கும் ஏகாந்தம், அவளை  

எண்ணிக் கிடப்பதிலே இருக்குது பேரானந்தம்;

பாவங்கள்

பிறக்க வைத்தது நீ,

வளர வைத்தது நீ,

நான்கு கலைகளை நன்கு கற்க வைத்தது நீ,

வாழ்க்கையில் அலைய விட்டு,

அனுபவிக்க வைத்து,

பின் அழ வைப்பது - எல்லாம் நீ;

இதில்

என் பாவங்கள் என்பது

எங்கிருந்து வருகிறது, இறைவா?