காதலர் தின வாழ்த்துக்கள்

திடீர்னு  வெயில் மழை
பயங்கரமாப் புயல் காற்று
குளிரும் நெருப்பு
காது கிழிய மெல்லிசை
கண்ணுக்கு அழகாய் நீ
சம்பந்தமில்லாக் கவிதை
இந்த வாழ்த்து போல -
   காதலர் தின வாழ்த்துக்கள்

இரயில் பயணம்

'பாத்துப் போடா, போய் சேந்த உடனே போன் பண்ணு '
'இட்லி காலைலேயே சாப்ட்ருங்க, சக்கரை தனியா டப்பால இருக்கு '
'மச்சி நெனச்சது முடிஞ்சதா ?'
'அம்மாவ கேட்டதா சொல்லு  '
'காய் கலோவ் கயு, மறந்துறாதே '
'அப்பா டாட்டா '
'குட்டி போய்டு வரவா'
'பாத்து போடி, வாடகை ஞாபகமிருக்கட்டு '

ம்
எத்தனை உறவுகள்
எத்தனை மனிதர்கள்
எத்தனை எதிர்பார்ப்பு

வழியனுப்ப ஆளில்லாது
வரவேற்கவும் யாருமில்லாது,
தனியே தன்னந்தனியே
நான் மட்டும்.

இரயில் பயணங்கள் பல
சிந்தனை என்றும் ஒன்றே.