கண்ணா
கார்மேக வண்ணா
கம்சனையும் அவன் துணை சநுரணையும்
கொன்று எமைக் காத்த மன்னா,
வாசுதேவனின் வாரிசே,
தேவகிக்குக் கிட்டிய பரிசே,
இவ்வுலகை ஆள்பவனே - பரந்தாமா
உன் பாதம் பணிகிறேன் காத்தருள்வாய்.
மலர்களால் தன்னை அலங்கரித்துக் கொள்ளும்
மாதவா,
மாலை பல அணிந்த மாயவா,
கொலுசு அணிந்து எம்மனங்களைக் கொள்ளை கொண்ட கோவிந்தா,
கையில் ஆபரணம் பல அணிந்தக் கேசவா,
இவ்வுலகை ஆள்பவனே - பரந்தாமா
உன் பாதம் பணிகிறேன் காத்தருள்வாய்.
கருத்த சுருட்டை முடி
முழுமதி போன்றுன் முகம்
காதுகளில் பளபளக்கும் குண்டலங்கள்
ஒ ! பரந்தாமா !!
இவ்வுலகை ஆள்பவனே
உன் பாதம் பணிகிறேன் காத்தருள்வாய்.
( தொடரும் )
No comments:
Post a Comment