போகிறேன் நான் ...

ஆஹா, ஆனந்தம், அற்புதம்;

அலுவலகம் இனி செல்ல வேண்டாம் - திங்கள் காலை
அதிர்ச்சி கொண்டு எழுந்திரிக்க வேண்டாம்;

என்னால் முடியாத வேலை சொல்லி இனி
எனை இம்சிக்க முடியாது;
எனக்குப் பிடிக்காத வேலையைச் சொல்லி
நச்சரிக்க முடியாது;

அரசியல் அவதிகள் எனக்கில்லை;
அடுத்து அவரா இவரா - அவசியமில்லை;

வயிறு என்னை மிரட்டாது;
இரவு என்னை விரட்டாது;

கோபம் கொள்ள வேண்டாம்,
பாசம் கொண்டு பரிதவிக்க வேண்டாம்;

அழகான பெண்கள், ஆசையாய்ப் பார்க்க முடியாது;
அவ்வரை மட்டும் வருத்தமே;

என் உடலை
எரிக்கிறார்கள்;
எனக்கெந்த வேதனையும் இல்லை;
நேராய்ப் போகிறேன் - நரகத்திற்கு;

வணக்கம், வாழ்த்துக்கள்
வாழ்க வளமுடன்.